வெட்டிவிட்ட ரோஜாச்செடி தளிர்த்து பூவாப் பூக்குது
முட்டி மோதி வாழ்க்கையிலே முயற்சி தேடுது
திட்டத் தெளிவு முன்னால் தீமை விலகுது
கொட்டவரும் தேளும் கூட கொடுக்கை உயர்த்துது
வட்டமிடும் பருந்தைக் கோழி வகுத்து உணருது
கட்டழகு கிளிகள் சில வலையில் வீழுது
பொட்டும் பூவும் நிலைத்துவாழ புத்தி ஏங்குது
மட்டமான செயல்கள் தானே நம்மை சூளுது
திட்டிப்பேசி ஏசிவிட்டு பாசம் தேம்பி அழுகுது
பட்டுத்துணி பகட்டில் தானே மனம்பரவி நாடுது
பட்டணத்து பகட்டு முன்னே பலதும் வீழுது
பட்டிக்காட்டான் எந்தன் பாட்டு எங்கே எட்டப்போகுது.
ஃஃஃ
எழுதியவர் : Late. R. மார்த்தாண்டம்.
எழுதிய நாள் : 20.01.1985
இடம் : சவுதி அரேபியா.
ஃஃஃ
கலை நீங்கள் எல்லா கவிதைகளையும் ஒரு பிடிஎப் பைலாக போடுங்கள் அல்லது சொல்லுங்கள் . ஏன்னா தங்கள் கவிதைகள் நன்றாக உள்ளது. பிறகு காலத்திற்கும் நிலைத்து நிற்கும்.
எழுதியவர் என்னார் நாள் செப்டம்பர் 30, 2006
நேரம் 7:16 பிற்பகல்